content
Mystieke Karst
(h'uut 't dagbook van een Troubadoursduo-plus plus nog twee)
Sinds een dik joar is ons Troubadoursduo-plus h'uut'ebreid mit twee vrouwelijke zangstemmen, te weten Klaske en Rinske. Dit overigens ge'eel op free-lance basis wat die dames betreft. In ons theaterprogramma van meert 2007 `ebben wi-j ze erbi-j `e'aeld veur de mooie koorties. En zoas dat dan goat in de meziek; ie raeken an `elkaer `ewend en veur dat ie 't weten hei-j ze d'r bi-j. Zo bint Mina, de vrouwelijke `elfte van ons Troubadoursduo-plus en ik ooit ook bi-j elkaander `ekeum.
Zo teung' de karsttied zitten wi-j as Troubadoursduo-plus mit een groot probleem: Vriendje Stef kan neet teung' Karst. Zoas de een neet teung' sukeloa kan en de aander neet teung' auto rieden, zo is Vriendje Stef allergisch veur alles wat in de decembermoand aanders is dan in de aandere elf moanden van 't joar. Dat alles maekt 't optreden in 't kaeder van disse moand, zoas Karst, gecompliseerd. Vandoar dat wi-j er dit joar veur keuzen de gezusters `Amster in te zetten. Klaske en Rinske `ebben naemelijk de sympathieke gewoonte, net as `amsters alles te verzaemelen, moar dan op zanggebied, dus ook karstliederen en doar `adden wi-j now net weer verlet van. Twee belangwekkende optredens volgden: Steenwiek, de Dickensnight en de Kuunder's Mystieke Karst. Beide evementen in de eupen locht en dus, zoas dat `eurt in december, in de vrieskolde.
Veur 't optreden op de Dickensoamd was veur de h'Apotheek op de Woldpromenade keurig een partytente op'ezet mit een elektrisch kacheltien om mien gitaarvingers oaf en too op te waarmen. Een vuurkorf leek de organisatie te gevoarlijk. Good organiseert en van onze kaante gien op- of anmaarkings. Mina en de gezusters `Amster waarmden zich veulvuldig op mit een wat onduudelijk mengsel van rum, koffie en sukeloademelk, 't geen ontoarde in een opgewekte stemming en nogal ongecontroleerde bewegings mit `ier en doar een spontoane boer tussen de coupletten deur. `Oe aanders was dat in de Kuunder?
Bi-j ankomst op de parkeerplekke langes de `Opweg `ad zich langzoamer'aand een aparte geur verspreid deur de Hyundai Tucson, die verdacht veule weg `ad van een enorme rumboon. "Mien sukeloademelk!", reup ene van de gezusters `Amster h'uut, terwijl de aandere zus bi-j een kraempie van de organisatie gung informeren `oe wi-j op onze lokatie mossen koôm. De thermosflesse mit een mengsel van volng's mi-j één liter rum en één liter sukeloademelk was goan lekken. Ik wurde van de geur allent al waarm, moat. 't Was kennelijk in Steenwiek zo good bevullen dat besleuten was in 't Kuunderse Bos, alwoar dat mengsel neet te krieng' is en woar gien rumbonen greui-jen, ons te be'elpen mit een tweelitersthermosflesse.
Ene van de KAS, de Kuunderse Activiteiten Stichting, sol ons de weg wiezen, moar de betreffende persoon was er nog neet. Reden veur een aander enthousiast lid op te roopen: "Dat doo ik wel eêm! Volg mien auto moar! Weer op de `Opweg an'ekeum maekte hi-j mit sien auto eerst een ski-jnbeweging noar links en reed toen weer een entien deur om doar 't bos in te sloan. Eén van de gezusters `Amster was drok bezig de leren bekleding te ontdoon van sukeloademelk, terwil Mina, onze chauffeuse ingespannen de auto veur ons volgde deur 't rulle zaand van 't bospad. Weer een ski-jnbeweging, moar now deur'etzet en dan remlochten en in de h'achterh'uut. Mina skaekelde ook gauw in reverse, moar bleek de techniek van 't h'achterh'uut rieden neet good machtig mit 't gevolg dat de KASman bi-jnoa onze veurkaant ramde. Noa wat `en en weer manouvreren as gevolg van 't consequent noar rechts oafwieken, veur de kieker links, wus Mina net langes een greppel `t `eufdpad weer te bereiken. En moar weer volng'. Disse `ele manouvre `er'aelde zich een paer keer, totdat de KASman, neet te verwarren mit de Karstman, h'uut sien vehikel stapte en vertwiefeld noar ons reup: "Dit is neet good"! Now dat `adden Mina en ik en de gezusters `Amster ook al begrepen. Wi-j begunnen ook trouwens ook oardig zorng' te maeken om onze rumboon, want mit al dat op en neer en `en en weer gedoo sol er wel neet veule meer in de kan zitten.
"Blief `ier moar stoan, dan goa ik informeren", leut de KASman weten. En doar stunnen wi-j: midden in 't Kuunderbos in de duusternis in een walm van rum en sukeloademelk. Ik `ad echt zo'n geveul van: en weer `adden de voegelties alle broodkruumelties op'eten! h'Uuteindelijk vun Klein Doempie ons weer en leidde ons noar een partytente mit doarachter een keet mit kachel. Gien locht, gien vuurkorf, die mossen nog van de boswachter koôm. In de tied dat wi-j doarop mossen waachten kwam de thermosflesse direks lus en eindelijk konnen de vrouwluu zich te good doon an wat er nog over was van onze rumboon. Onze Mystieke Karst kon begunnen.
(h'uut 't dagbook van een Troubadoursduo-plus plus nog twee)
Sinds een dik joar is ons Troubadoursduo-plus h'uut'ebreid mit twee vrouwelijke zangstemmen, te weten Klaske en Rinske. Dit overigens ge'eel op free-lance basis wat die dames betreft. In ons theaterprogramma van meert 2007 `ebben wi-j ze erbi-j `e'aeld veur de mooie koorties. En zoas dat dan goat in de meziek; ie raeken an `elkaer `ewend en veur dat ie 't weten hei-j ze d'r bi-j. Zo bint Mina, de vrouwelijke `elfte van ons Troubadoursduo-plus en ik ooit ook bi-j elkaander `ekeum.
Zo teung' de karsttied zitten wi-j as Troubadoursduo-plus mit een groot probleem: Vriendje Stef kan neet teung' Karst. Zoas de een neet teung' sukeloa kan en de aander neet teung' auto rieden, zo is Vriendje Stef allergisch veur alles wat in de decembermoand aanders is dan in de aandere elf moanden van 't joar. Dat alles maekt 't optreden in 't kaeder van disse moand, zoas Karst, gecompliseerd. Vandoar dat wi-j er dit joar veur keuzen de gezusters `Amster in te zetten. Klaske en Rinske `ebben naemelijk de sympathieke gewoonte, net as `amsters alles te verzaemelen, moar dan op zanggebied, dus ook karstliederen en doar `adden wi-j now net weer verlet van. Twee belangwekkende optredens volgden: Steenwiek, de Dickensnight en de Kuunder's Mystieke Karst. Beide evementen in de eupen locht en dus, zoas dat `eurt in december, in de vrieskolde.
Veur 't optreden op de Dickensoamd was veur de h'Apotheek op de Woldpromenade keurig een partytente op'ezet mit een elektrisch kacheltien om mien gitaarvingers oaf en too op te waarmen. Een vuurkorf leek de organisatie te gevoarlijk. Good organiseert en van onze kaante gien op- of anmaarkings. Mina en de gezusters `Amster waarmden zich veulvuldig op mit een wat onduudelijk mengsel van rum, koffie en sukeloademelk, 't geen ontoarde in een opgewekte stemming en nogal ongecontroleerde bewegings mit `ier en doar een spontoane boer tussen de coupletten deur. `Oe aanders was dat in de Kuunder?
Bi-j ankomst op de parkeerplekke langes de `Opweg `ad zich langzoamer'aand een aparte geur verspreid deur de Hyundai Tucson, die verdacht veule weg `ad van een enorme rumboon. "Mien sukeloademelk!", reup ene van de gezusters `Amster h'uut, terwijl de aandere zus bi-j een kraempie van de organisatie gung informeren `oe wi-j op onze lokatie mossen koôm. De thermosflesse mit een mengsel van volng's mi-j één liter rum en één liter sukeloademelk was goan lekken. Ik wurde van de geur allent al waarm, moat. 't Was kennelijk in Steenwiek zo good bevullen dat besleuten was in 't Kuunderse Bos, alwoar dat mengsel neet te krieng' is en woar gien rumbonen greui-jen, ons te be'elpen mit een tweelitersthermosflesse.
Ene van de KAS, de Kuunderse Activiteiten Stichting, sol ons de weg wiezen, moar de betreffende persoon was er nog neet. Reden veur een aander enthousiast lid op te roopen: "Dat doo ik wel eêm! Volg mien auto moar! Weer op de `Opweg an'ekeum maekte hi-j mit sien auto eerst een ski-jnbeweging noar links en reed toen weer een entien deur om doar 't bos in te sloan. Eén van de gezusters `Amster was drok bezig de leren bekleding te ontdoon van sukeloademelk, terwil Mina, onze chauffeuse ingespannen de auto veur ons volgde deur 't rulle zaand van 't bospad. Weer een ski-jnbeweging, moar now deur'etzet en dan remlochten en in de h'achterh'uut. Mina skaekelde ook gauw in reverse, moar bleek de techniek van 't h'achterh'uut rieden neet good machtig mit 't gevolg dat de KASman bi-jnoa onze veurkaant ramde. Noa wat `en en weer manouvreren as gevolg van 't consequent noar rechts oafwieken, veur de kieker links, wus Mina net langes een greppel `t `eufdpad weer te bereiken. En moar weer volng'. Disse `ele manouvre `er'aelde zich een paer keer, totdat de KASman, neet te verwarren mit de Karstman, h'uut sien vehikel stapte en vertwiefeld noar ons reup: "Dit is neet good"! Now dat `adden Mina en ik en de gezusters `Amster ook al begrepen. Wi-j begunnen ook trouwens ook oardig zorng' te maeken om onze rumboon, want mit al dat op en neer en `en en weer gedoo sol er wel neet veule meer in de kan zitten.
"Blief `ier moar stoan, dan goa ik informeren", leut de KASman weten. En doar stunnen wi-j: midden in 't Kuunderbos in de duusternis in een walm van rum en sukeloademelk. Ik `ad echt zo'n geveul van: en weer `adden de voegelties alle broodkruumelties op'eten! h'Uuteindelijk vun Klein Doempie ons weer en leidde ons noar een partytente mit doarachter een keet mit kachel. Gien locht, gien vuurkorf, die mossen nog van de boswachter koôm. In de tied dat wi-j doarop mossen waachten kwam de thermosflesse direks lus en eindelijk konnen de vrouwluu zich te good doon an wat er nog over was van onze rumboon. Onze Mystieke Karst kon begunnen.
(c) 2007 Gerard Rutger Buisman
